VOORBLADINHOUDSTAMBOOMMy Boek

 

Liewe Leser,

Met hierdie bydrae wil ons jou graag uitnooi om deel  te wees van ons GESONDHEIDSGESIN !!

Dankie dat jy hier inloer! Ek is Jan, en die liefde in my lewe is Jua.

Ons wil jou graag help om 'n gesonde leefstyl aan te leer en, as jy oorgewig is, om ook volhoubaar te verslank.

Gewig, goeie gesondheid en lewenskwaliteit is onlosmaklik aan mekaar verbonde. Dit, tesame met geestelike en emosionele welsyn

vorm die grondslag vir 'n gelukkige en voorspoedige totale mens-wees.

janenjua2.GIF

JAN GREEFF se GESONDHEID & LEWENSTYL WENKE

     Die voordele van 'n gesonde leefstyl is:

      'n gesonde, aantreklike liggaam 

      normale gewig vir jou liggaamstipe

      versterkte immuniteit

      minder afhanklikheid van medikasie

      goeie energievlakke

      'n gereguleerde metabolisme

      'n sinvolle verhoudingslewe

      'n positiewe en gelukkige lewensuitkyk !

 Kom kuier op ons eie webwerf vir meer inligting
 

Hier volg ’n KEUR van ons bydraes, spesiaal vir julle uitgesoek deur RETHA van SO MAAK MENS  uit ons NUUSBRIEWE oor ons Leefstyl, Gesondheid en Skoonheidswenke, en dien as voorbeeld van ons doelwit met hierdie Gesondheidshoekie.

Dit behoort jul lus aan te wakker en vir jul ’n voorskou te wees van wat nog alles op jul te wagte is!

Wat kom eerste: Gesondheid of die Evangelie?
     

Die Bybel stel dit as God se wil dat ons in alle opsigte 'n oorvloedige lewe moet ly. Dit lyk dus of die Evangelie nie net oor die spirituele lewe van die mens gaan nie, maar dat gesondheid, geluk en die mens se fisiese, emosionele en sosiale lewe ook deel daarvan is.

Dit is te verstane dat 'n liefdevolle Skepper vir Sy kinders 'n erfenis sal nalaat wat insluit om gelukkig en gesond te wees, om by sinvolle dinge betrokke te wees en om krag op alle terreine van hulle lewens te ervaar en uit te leef.

Die vraag ontstaan waarom dit lyk asof daar nie baie mense is wat ervaar dat hulle lewens werklik sin maak nie. Dit wil voorkom dat min mense elke dag met opwinding en entoesiasme tegemoet gaan en met vreugde ervaar dat hulle besig is om 'n sinvolle lewensdoel te bereik.

Miskien het dit daarmee te doen dat ons gemaak is om in 'n span saam te werk. Om werklik sinvol in hierdie lewe te kan groei, het ons mekaar nodig. Waar mense mekaar so aanvul dat elkeen voel dat hy/sy deel is van 'n span, voel elkeen vervul omdat hy/sy 'n bydrae lewer. Almal help om die groter span as 'n harmonieuse eenheid te laat saamwerk om sy doel te bereik. Elkeen voel nuttig, betrokke en deel in die uiteindelike suksesse wat behaal word.

Met hierdie gesondheidshoekie wil ons dus graag almal betrek by 'n spanpoging. As ons almal by mekaar leer kan ons mekaar help om 'n gesonder, gelukkiger en meer sinvolle en oorvloedige lewe te ly.

Die welbekende en beminde aktrise, wyle Audrey Hepburn, het hierdie wonderlike gedig opgestel nadat sy genader is vir skoonheidswenke:

For attractive lips, speak words of kindness.

For lovely eyes, seek out the good in people.

For a slim figure, share your food with the hungry.

For beautiful hair, let a child run his/her fingers through it once a day.

For poise, walk with the knowledge that you never walk alone.

People, even more than things, have to be restored, renewed, revived,reclaimed, and redeemed; never throw out anyone.

Remember, if you ever need a helping hand,you will find one at the end of each of your arms.

As you grow older, you will discover that you have two hands;one for helping yourself, and the other for helping others.  

Met die oog op ons strewe na ondersteuning aan elkeen wat graag aan sy/haar lewenskwaliteit en belangrike prioriteite soos gesinsverhoudings en geloofsake wil werk en sulke positiewe gedagtes soos die hierbo,ontstaan die vraag: Waaroor gaan hierdie bydraes?

Dit Gaan oor JOU Behoeftes !

Ons wil graag aan jou behoeftes aandag gee. Jy word dus uitgenooi om kommentaar te lewer of om voorstelle te maak.

Hou jou lewe gebalanseerd

Hoe besig is jy?

Die meerderheid van ons raak vasgevang in 'n roetine wat te heftig vir ons sisteem is.

Almal verskil en sommige mense kan meer aktiwiteite en besig-wees as ander hanteer. Ek glo egter vas dat 'n gebrek aan balans ons lewens se emosionele en verstandelike reserwes ondermyn, totdat ons geheel en al uitbrand. Dan tree ons irrasioneel op, neem onverstandige besluite, vernietig verhoudings en smyt wonderlike loopbaan- en prestasiegeleenthede weg.

Hou jou lewe gebalanseerd. Maak (jy sal dit nie kry nie, jy MOET dit maak) tyd en beskerm dit met ywer, vir

      1. jou verhouding met jou Skepper

      2. jouself

      3. jou lewensmaat

      4. jou gesin

      5. jou gesondheid

      Bevestigings:

      Ek maak tyd vir myself

      Dit is heerlik om tyd met my gesin te bestee

      Ek leef gesond

          

Aanvaar jouself soos jy is

Erken en aanvaar jou tekortkominge, maar moet nie toelaat dat hulle jou lewe oorheers nie. Leer daaruit geduld, lieftalligheid, insig - Helen Keller (my vertaling)

Kaalkop Internasionale motiveringspreker Arnfried Klein-Werner skryf soos volg:

“Almal het gebreke en tekortkominge. Dinge waarmee (of waarsonder) jy gebore is maar wat jy eerder sou wou verander. Jy kan egter heelwaarskynlik nie veel daaraan doen nie.

 

My hande sweet geweldig in die somertyd. Die van julle wat al vir my ‘n handdruk gegee het sal weet waarvan ek praat. Ek kan egter niks aan die saak doen nie. Ek het minstens 10, waarskynlik meer gebreke.

My hare...jy kan vra  "Watse hare?" Presies!

Jy het waarskynlik ook ‘n paar gebreke, maar weet jy wat? Hulle hoef nie enige verskil te maak aan jou waarde as persoon nie. Jy het inherente waarde, gebaseer op niks meer nie as die feit dat jy ‘n mens is. Jy bly ongelooflik waardevol. Jy is ‘n wenner en ‘n presteerder, ongeag of jy slim is aldan nie, of jy musikaal is of nie.

Jou gebreke en tekortkominge speel egter ‘n rol in die bepaling van die doel van jou lewe, en dit is goed. As jy nie in die openbaar kan opstaan en ‘n toespraak lewer nie, of as jy nie ritme het nie of nie analities is nie, is dit geen rede tot kommer nie. Jy het dit nie nodig om jou doel in die lewe te bereik nie.

Dalk het jy ‘n groot neus, skewe tande of wat ookal. Jy kan steeds alles wees waarvoor jy geskep is.

Sommige letsels kan verwyder word, soos om jou neus te laat regmaak. Jy kan bv. leer om redelik goed te dans ten spyte van die feit dat jy tans geen ritme het nie. Solank jou verwagtinge nie is om ‘n goue medalje vir dans te verower nie.

Die belangrikste is egter ...

Aanvaar die dinge wat jy nie kan verander nie en verander die dinge wat jy kan.

Aanvaar die feit dat jy nie volmaak is nie. Niemand is nie!

Bevestigings:

Ek aanvaar myself soos ek is.

Ek het ‘n belangrike doel in die lewe.

Ek is ontsettend waardevol.

Wees alles wat jy kan wees.

Skrifaanhaling Humor vir gesondheid

Spr. 17:22  “’n Vrolike mens is ‘n gesonde mens, ‘n neerslagtige mens raak uitgeput.”

As ons vir onsself positiwiteit en optimisme aanleer, kan dit bydra tot liggaamlike genesing.  Wat van ‘n bietjie humor?

Here, leer my om te lag vir die lewe.

Dis alweer griepseisoen is jy gereed vir die aanslag?

Griepinentings - 'n Geldmaak-foefie?

Die 2009 griepuitbraak by mense, algemeen bekend as "varkgriep" het die hele wêreld op hol gehad.

Eintlik was dit die media, aangeblaas deur die verspreiders van    griepinentings, wat die opslae veroorsaak het. Die opskrifte het 'n groter effek as die virus gehad.

Varkgriep veroorsaak in die meerderheid van gevalle slegs ligte simptome. Geinfekteerde persone herstel gewoonlik volledig, selfs sonder mediese aandag en sonder die nodigheid vir medikasie.

Nogtans het die beelde en fotos van hele gemeenskappe wat hulle gewone dagtake met gesigmaskers verrig so 'n impak gehad dat al wat leef tou gestaan het vir inentings. Wat 'n suksesvolle bemarkingsveldtog, of sal ons dit eerder by die naam noem: wat 'n foefie.  

Die 2010 Oesjaar

Die medisynebedryf slyp alweer sy tande vir die 2010 oesjaar: die sokkertoernooi gaan vanjaar die gogga wees wat vir baba bangmaak. Die hele aardbol se nuwe virusse gaan op Suid-Afrika losgelaat word en almal moet inent om die aanslag te oorleef.

Die waarheid is dat niemand weet of die beskikbare middels enigsins sal help teen die nuwe (en sommige ouer) virusse wat die sokkergeesdriftiges kan aandra nie.

Boonop gaan Jan Alleman nie presies weet wanneer om die middels te begin neem nie. Baie infeksies lyk en voel soos griep, sê die pediater en immunoloog dr. Anne Moscona van die Weill Cornell Mediese Kollege in New York. Virusse en bakterieë kan weerstand teen medikasie ontwikkel.

Sy sê: “As jy Tamiflu by die huis het en jy gebruik dit vir verkoue of enige ander respiratoriese virus wat nie griep is nie, sal jy dit nie kan gebruik wanneer jy ’n dodelik griepstam opdoen nie” 

Entstowwe is verdag

Verlede jaar het ons uitgewys dat die 2009 varkgriepuitbraak nie enigsins ‘n groter bedreiging inhou as die talle ander griepstamme nie. Indien jy gesond leef en jou immuniteit sterk is, het jy min te vrees. Dit was dan ook die geval, maar steeds het die entstowwe groot geld vir hulle verspreiders gegenereer alhoewel dit baie mense juis siek gemaak het en andere onbeskermd gelaat het.

Dit is waar dat almal, maar veral mense wat as gevolg van verswakte immuniteit blootgestel is, versigtig moet wees om nie aan te steek nie. Hulle moet goeie higiëne toepas en liefs immuniteitversterkende hulpmiddels neem of minstens sulke middels byderhand hou.

Griepinentings is en bly egter verdag en sal in elk geval gladnie help vir alle griepstamme en veral vir sommige nuwe variasies nie.

Goeie immuniteit is betroubaar

Daar bestaan 'n veilige en doelreffende middel wat 'n kombinasie is van 9 immuniteitversterkende kruie. Dit beskerm ons gesin reeds vir 16 jaar lank teen alle vorms van infeksie, hetsy virusse, bakterieë of swamme. Dit werk voorkomend sowel as terapeuties vir kinders, babas, volwassenes en bejaardes.

Boonop help dit vir alle soorte infeksie met inbegrip van nuwe virusmutasies omdat dit die natuurlike immuniteit versterk. Infeksies in die maag, ore, tande, in oop wonde of op enige ander plek word ewe goed bekamp.

Kontak my in die blokkie hier op hierdie blad met net die woord “Kruiemiddel”  indien jy graag meer inligting oor hierdie merkwaardige samestelling wil ontvang.

Van verslank gepraat...

Vier maniere om van maagvet ontslae te raak

Daardie vet om die middel is waarskynlik die mees algemene oorgewigprobleem, en ook die gevaarlikste.

Hier is 'n paar wenke om diegene te help wat hiermee probleme ervaar:

1. Oefening: Dit is moeilik om vet uit 'n bepaalde area van jou liggaam met oefening weg te kry, maar dit help tog om van oortollige gewig ontslae te raak en dikwels is dit die maag-area wat eerste baat vind. Opsitte en soortgelyke oefening kan die voorkoms verbeter maar net aerobiese oefening kan werklik die vet in hierdie area verbrand.

2. Let op wat jy eet: Daar is talle studies wat bevestig dat sinvolle eetgewoontes baie kan bydra tot jou gewigverliesprogram. (Kontak my gerus vir eetplanne )

3. Kry genoeg slaap: Te min slaap (minder as ses ure) of te veel (meer as agt ure) lei tot oormatige produksie van kortisol, 'n streshormoon wat die stoor van maagvet bevorder.

4. Verminder stres: Ontspanning vir 15 minute per dag kan ook jou kortisolvlakke verlaag en help om maagvet te verminder. Diep asemhaling, 'n stappie in die buitelug of 'n borrelbad kan help om jou te laat vergeet van die wêreld daar buite.

'n Dosyn Wenke vir Gewigverlies

Die geheime resep vir volhoubare gewigverlies is om minder te eet en meer te oefen.

Dit is natuurlik vir die meeste van ons makliker gesê as gedaan. Feit bly staan dat nie een van die talryke sogenaamde deurbrake in gewigbeheer of enige van die dieetgiere wat kom en gaan enigsins 'n verskil aan die wêreldwye vetsug-epidemie gemaak het nie.

Hier volg twaalf nuttige wenke vir suksesvolle en volhoubare gewigverlies:

1. Eet voedsame, natuurlike kosse met min kalorieë, soos groente, heelgrane, peulgewasse en vars vrugte soos aangedui in my eetplanne. 

2. Moenie oor-eet nie. As jy stadig genoeg eet en deeglik kou, sal die honger weggaan voordat jy te veel ge-eet het.

3. Drink vier glase water wanneer jy opstaan, eet minstens 45 minute daarna en drink nog ten minste 4 glase deur die dag, verkieslik so 45 minute voor maaltye om jou aptyt te temper. 

4. Geniet 'n koninklike ontbyt, 'n goeie middagete en 'n aandete vir armlastiges. Jy het die energie deur die dag nodig, nie wanneer jy slaap nie.

5. Onthou dat alkohol en die meeste sportdrankies en sappe kalorieë bevat.

6. Oefen gereeld ten minste een uur per dag met strek- en versterkende oefeninge en 30 tot 45 minute van aerobiese aktiwiteit ten minste viermaal per week.

7. Vermy hoëvet, geprosesseerde en hoëkalorievoedsel soos lekkergoed, koekies, gebak, koeldranke, aartappelskyfies, kaas en verwerkte vleise.

8. Vergewe jouself liefdevol oor gewigprobleme en wanneer jy van jou eetplan afwyk. Kom gou weer terug op die spoor en fokus op laevet, lae-kalorie, heilsame kossoorte.

9. Onthou dat daar talle emosionele en genetiese faktore en snellers by jou gewigprobleem betrokke kan wees. Daarom sal jy waarskynlik ondersteuning nodig hê om werklik die probleemgewoontes te verander.

10. Die beslissende proses vir gewigverlies is die lang, stadige een wat vereis dat jy jou eetgewoontes lewenslank verander, eerder as om op diëte te gaan. Sodoende sal jy goeie gesondheid en 'n liggaam met die toepaslike gewig vir jou eie, unieke liggaamsbou tot stand bring.

11. Vermy kunsmatige versoeters (ook dié in laesuiker koeldranke) en alle kitsoplossings,

  

12. Beveg spanning met onspannende oefening eerder as met kos.       

Gesonde Gewigverlies - Wat Werk en Wat Nie?

Wat werk en wat nie?

Die plan wat jy in werking stel moet vir die res van jou lewe kan werk en moet ook help om die gesin bymekaar te hou.

Daar is te veel voornemende verslankers  wat die harde manier hulle lesse geleer het: dat verskillende programme, produkte, foefies en selfs voorgeskrewe medikasie om gewig te verloor nie werk nie. Dat dit in werklikheid kan lei tot ‘n verdere toename in gewig. Moenie probeer om die wiel te herontdek nie  - leer eerder uit die foute wat talle ander voornemende gewigverloorders reeds gemaak het.

Het jy al alles probeer?

Dieetpille hulle is gewoonlik skadelik en ook ondoeltreffend. Daar is wel enkele uitsonderings maar maak eers seker dat onafhanklike studies die doeltreffendheid en veiligheid daarvan bewys.

Poeiers, drankies en mengeldrankies moet die gebalanseerde inhoud van volledige maaltye bevat.  Die inhoud  moet jou behoeftes aan energie, proteïne, koolhidrate en vette  in die regte verhouding voorsien. Mikro-elemente moet in ‘n voedselvorm beskikbaar wees. Sulke produkte is ekonomies omdat hulle maaltydvervangers is wat jou die koste van ‘n volle maaltyd bespaar. 

Oefenapparaat en gimnasiums  - stap, draf en ‘n paar vloeroefeninge sal baie geld op brandstof, gimnasiumheffings en oefentoerusting bespaar en dieselfde of beter resultate lewer.

Velplakkers  - hierdie goed is waarskynlik niks meer as geldmaak-foefies nie. Vra vir wetenskaplike bewyse dat die goed doen wat die verkopers beweer.

Roompies spaar jou geld tensy daar stawende wetenskaplike studies is wat bewys dat hulle werk.

Subliminale audioprogramme gesonde en volhoubare gewigverlies kan slegs deur ‘n bewuste en sistematiese benadering bewerkstellig word. Verder moet ‘n bewese “padkaart” na sukses voorsien word deur ‘n maatskappy met  integriteit vir wie dit werklik saak maak dat jy resultate bereik. Dit moet nie net om die verkoop van ‘n produk of oor ‘n hersenskim gaan nie.

Duur voedselplanne sulke pogings kan verwydering tussen jou en jou gesinslede veroorsaak aangesien hulle moeilik sal kan deelneem. Hoe lank kan dit hou? Daar is beter maniere.  

Dieetplanne en programme daardeur word jy vasgevang in klimtol-diete. Elke keer as die klimtol afgaan, neig jy om gewig te verloor waar jy nie wil nie. Wanneer die klimtol opgaan, tel jy weer gewig in ander ongewensde plekke op. 

Kalorie tellery dit werk op papier maar nie in die regte lewe nie. Dit laat jou fokus op kos en gee groter mag en invloed in jou lewe aan kos.

Al die jongste wonder-bestanddele sulke goed kan jou hier en daar help maar dit sal jou nie in staat stel om al die pad tot by jou ideale gewig te vorder én jou help om daar te bly nie.  Hou ‘n ogie op bestanddele maar dit alleen sal nie ‘n sinvolle oplossing bied nie.

Voorgeskrewe medikasie  - alle medikasie het newe-effekte. En wat gebeur wanneer jy hulle los? Jy oorweeg hopelik nie om vir die res van jou lewe medikasie te gebruik nie!

Weeklikse vergaderings kan tydrowend en duur wees en sal selde tot blywende resultate lei.

Sjirurgie ‘n duur, onnatuurlike en gevaarlike keuse.

‘n Wonderwerk is wat ons nodig het. Die gewone lewe van ‘n gelowige bestaan uit wonderwerke dit waartoe ons as nietige mense nie in staat is nie.

Iemand wat werklik omgee moet vir jou hierdie lewensveranderende vraag vra:

“As jy een ding in jou lewe kan verander, wat sal dit wees?”

As die antwoord is om te verslank, kan die feit dat iemand werklik omgee jou tot oorgawe help sodat jy kan begin om oop te maak en te vertel. As jy kan begin om openlik en in alle eerlikheid te praat oor jou stryd met kos en diëte sal dit vir jou die pad baan na sukses.

Die antwoord is ‘n volledige stelsel wat al die aspekte agter gewigverlies aanspreek die fisiese, die emosionele en die Geestelike. Dit sal jou met hoop vervul,  regte hoop op sinvolle resultate.

Kom aan die gang

Beantwoord hierdie vrae in alle eerlikheid:

"Waarom wil ek gewig verloor?” en

“Hoe sal my lewe verander as ek my ideale gewig bereik?”

Dink aan jou gesin en jou rol as eggenoot (e), moeder of vader, sakepersoon en ‘n vriend. Het jy werklik tyd vir ander of dink jy gedurig aan kos? Dra jy sinvol en opbouend by tot iemand se lewe? Of is jy vasgevang deur jou gewig? Kom met die hele sak patats vorendag en skryf dan die grootste redes neer waarom jy gewig wil verloor.

Maak dan ‘n lys van die dinge wat jy sal doen as jy nie meer oorgewig is nie: uitstappies, afrigting by die kinders se sport, swem of deelname aan sport. Draai die meeste dinge waaraan jy dink rondom jou gesin en jou naby vriende?

Skryf dit alles neer sodat jy dit op rekord het. Sodra jy jou ware lewensdoel  herontdek het, en jy weet dat jy gewig sal moet verloor om daarby uit te kom, sal jy weet wat jou te doen staan en waarom.

Jou volgende stap is om meer te leer oor hoe die liggaam funksioneer. Gaan steek kers op by dieetkundiges, dokters,  die Internet of enige ander bron. Leer alles wat jy moet weet om jou kanse te verbeter om jou ideale gewig te bereik.

Jy sal opgewonde raak oor die fisiese deel …

Neem ‘n goeie gehalte “shake” mengsel om daardie probleem-maaltye te vervang,veral tydens daardie etes  wanneer jy aangewese is op kitskosse. Kombineer dit met ‘n kursus kapsules. Nie poeiers en pille nie, maar wel ‘n deeglik-geformuleerde, heilsame voedselvervanger wat heerlik smaak en al die mikronutriënte bevat wat jy nodig het in die korrekte verhouding van energie, proteïne, koolhidrate en vette. Die nutriënte in die kapsules moet ook in ‘n natuurlike voedselvorm wees. Bowenal moet die “shake” jou versadig en tevrede laat voel sodat jy sal ophou om na kos te hunker.

Die kapsules wat jy neem moet oor unieke eienskappe beskik. Onafhanklike studies moet bewys dat hulle help om vet te verbrand, die metabolisme te versnel, hunkerings na suiker te onderdruk, water-retensie teenwerk en energievlakke verhoog.  

Skakel  die honger af

Binne a paar dae behoort jou honger afgeskakel te wees. Jy sal nie meer heeldag aan kos dink nie. Jy sal binnekort tevrede voel dat jy goeie voeding inneem en die mikronutriënte sal jou help bevredig. Jou energievlakke sal toeneem en daardie afgematte, moeë gevoel sal vervang word met vitaliteit.

Jy sal meer op en wakker voel en ‘n meer positiewe lewensuitkyk ontwikkel. Jy sal gemakliker met die mense rondom jou wees en hulle sal meer van jou geselskap hou. Jou fisiese vermoëns sal verbeter omdat jy eet om brandstof vir jou liggaam in te neem eerder as om jouself  net tevrede te probeer stel. Jy sal beter slaap en ‘n hernude geestesingesteldheid ontwikkel. Jou lewe sal meer doelgerig wees; dis ‘n heerlike gevoel!

Jou liggaam sal gou reageer; jy sal dit eerder aan jou afmetings as op die skaal agterkom omdat vetweefsel sal verdwyn maar spierweefsel sal bykom. Spiere is swaarder as vet wat beteken dat die skaal vir jou kan jok. Jy sal maand na maand ‘n gesonde 3 to 6 kg verloor, maar wat belangriker is, jy sal sentimeters in die regte plekke verloor.  Nie te veel of te min nie, net ‘n gesonde hoeveelheid. Jy mag ‘n paar platos bereik en hier en daar ‘n haakplek ervaar maar die stelsel  is ontwerp om jou daar deur te help.  Met die ondersteuning van mense rondom jou wat omgee sal jy voel dat jy in totale beheer is van jou gewigbeheerprogram.

Jy sal ongelooflik goed voel as mense jou nie eens herken nie. Jy sal graag die ervaring van gelukkig wees, gesonder voel en meer aktief wees met ander wil deel.

Jy sal selfs ‘n nuwe lewensdoel ontdek om jou lewenservaring aan ander oor te dra en hulle op jou beurt te help en te mentor om probleme te oorkom. Jy sal weet hoe om hulle te help om dinge wat nie werk nie te vermy en te doen wat wel werk. Dit kan jou lei na ‘n nuwe lewensdoel om ander in te lig en te begelei na ‘n gelukkiger, gesonder en meer aktiewe lewe.

Ongeag wat jy tans weeg of waar jy jou tans bevind, as jy opreg begeer om jou gewig te beheer kan jy dit doen. Jy is in staat om jou ideale gewig te bereik en te handhaaf sodat jy jou lewensdoel kan verwesenlik ongeag wat daardie lewensdoel ookal mag wees.

Mense Wat Omgee is Belangrik

Ek is hier om te help omdat ek omgee. Daar is ook ander mense rondom jou wat omgee.  Dit is BAIE BELANGRIK dat jy openlik met jou naby vriende en familie gesels en dat jy hulle vertel van jou doelwitte en voornemens. Jy sal sien dat hulle jou met oorgawe sal ondersteun en aanmoedig. Daar is miskien van hulle wat by jou sal aansluit omdat hulle ook ‘n probleem het. Twee vaar beter as een.

Al  jou vriende sal graag help, maar jy moet die inisiatief neem.  Alles staan of val by wat jy hiermee gaan doen. Nou vra ek jou as ‘n vriend:

“Indien jy een ding in jou lewe kan verander, wat sal jy kies?”

Ek  verklaar myself gereed om jou te help en by te staan om daardie verandering te maak. Die mense wat naby aan jou is sal ook help. Hulle is gereed, hulle weet net nog nie dat jy op hulle wil staat maak nie. Vertel hulle alles, moenie bang wees om te sê hoe jy oor jou probleem voel nie. Jy sal verbaas wees oor die reaksie en die ondersteuning wat jy gaan kry.

Jy sal ook aangenaam verras wees oor die verskil wat dit in jou lewe gaan maak wanneer daardie ekstra sentimeters en kilogramme weg is.

Met dankbare erkenning  aan:

Terry Newsome, voorheen 220 kg.

“Consumer’s Guide to Weight-Loss | Terry Newsome & Blaine P. Oelkers Sr.”

Aanhaling:  You have to stay in shape. My grandmother, she started walking five miles a day when she was 60. She's 97 today and we don't know where the hell she is.

Outeur:  Ellen Degeneres

Waterterapie vir Oorgewig en Ander Kwale

‘n Gewilde gewoonte het in Japan ontstaan om elke oggend sodra jy wakker word water te drink. Wetenskaplikes het glo nou die waarde daarvan bewys.

Die bevindings is dat waterbehandeling doeltreffend werk vir ouer en ernstige sowel as vir moderne siektes. Die Japanse Mediese Vereniging beweer dat water die volgende toestande genees:

    * Oorgewig

    * Lyfseer

    * Hoofpyn

    * Die hartsisteem

    * Artritis

    * Vinnige hartklop

    * Epilepsie

    * Brongitis

    * Asma

    * Tuberkulos

    * Meningitis

    * Nier en urienwegsiektes

    * Vomering

    * Gastritis

    * Diaree

    * Aambeie

    * Diabetes

    * Hardlywigheid

    * Alle oogsiektes

    * Die baarmoeder

    * Kanker

    * Menstruele ongesteldhede

    * Oor, neus en keelsiektes 

Behandelingsmetode

1. Drink 4 x 160 ml glase water sodra jy in die oggend wakker word en borsel dan jou tande.

2. Moet nie binne 45 minute iets eet of drink nie.

3. Na 45 minute kan jy normaalweg eet en drink.

4. Moet niks eet of drink binne 2 ure nadat jy jou maaltye genuttig het nie.

5. Ou mense en diegene met ongesteldhede wat nie van meet af vier glase water kan drink nie moet met minder begin en dit geleidelik vermeerder na vier glase.

Hierdie metode sal help om siektes te genees en ook verseker dat gesonde mense voortgaan om ‘n gesonde lewe te geniet.

Hierdie lys dui aan hoe lank dit behoort te neem om die meer algemene toestande met waterterapie te genees, verbeter of beheer:

1. Hoë bloeddruk - 30 dae

2. Die buik - 10 dae

3. Diabetes - 30 dae

4. Hardlywigheid - 10 dae

5. Kanker - 180 dae

6. Tuberkulose - 90 dae

7. Artritislyers moet die behandeling in die eerste week vir slegs 3 dae volg, en dan daagliks vanaf die tweede week.

Hierdie metode van behandeling is vry van newe-effekte maar soos verwag kan word sal jy veral in die begin meermale urineer.

Maak hierdie water-drink proses deel van jou lewensroetine. Drink water en bly gesond en aktief.

Dit maak soveel sin! Vermy egter water, veral koue water, direk na of tydens maaltye.

Diegene wat graag koue water tydens on direk na maaltye drink, moet besef dat die koue vloeistof enige olierigheid wat jy so pas ge-eet het sal verhard. Dit benadeel spysvertering. Sodra die neerslag wat so gevorm word met die maagsappe in aanraking kom breek dit af en word dit vinniger as die soliede voedsel deur die ingewande opgeneem. Die gevolg is dat dit ‘n laag in die ingewande vorm wat spoedig in vette omskep word en tot kanker kan lei. Dit is beter om warm sop na maaltye te drink.

Kom in die water-drink gewoonte. Dit kos niks en kan jou lewe verander.

Jy moet nooit huiwer om iets nuut aan te pak nie. ‘n Enkele amateur het die ark gebou; ‘n yslike groep professionele skeepsbouers het die Titanic gebou!

Artritis: Daar Skyn ‘n  Lig in die Tonnel

Omdat rugprobleme en artritis so algemeen voorkom en persone wat met hulle gewig ‘n probleem het ook dikwels rugpyn ervaar, deel ek graag hierdie storie met julle.

My eie stryd

Na dekades se ellende en gesukkel met laerug pyn, het ek my in 1989 ingelaat vir wat ek baie jare lank probeer vermy het:  sjirurgie (L5 / S1 fussie). ‘n Operasie was vir my die allerlaaste opsie, en eers toe ek by ‘n punt kom waar ek nie op my eie voete kon staan nie, het ek besef dis nou tyd om daardie strooihalm te gryp.

Die prosedure was ‘n groot sukses en my hersteltempo het almal verbaas. Tydens my laaste opvolgbesoek by die ortopeed sak my moed egter in my skoene. Hy vertel my dat ek binne 5 jaar ‘n opvolg by L4 / L5 sou benodig. Daarna, afhangend van hoe goed ek my rug oppas, sou die proses ongeveer elke vyf jaar herhaal, totdat my hele rug so styf soos ‘n besemstok staan.

Ek het ‘n tweede opinie by ‘n ortopeed vriend gevra, maar hy het die slegte nuus bevestig. Albei het ook aangeraai dat ek van my viertrekvoertuig ontslae moet raak en my wanderlust moet inperk omdat die geskud verdere probleme sal verhaas.

In die tyd toe die simptome in 1993 hierdie onwelkome voorspelling begin waar maak, het ek ‘n vriend wat toe in ‘n rolstoel was as gevolg van artritis, bekendgestel aan ‘n gespesialiseerde kombinasie van aanvullers wat die spier- en skeletsisteem ondersteun.

Groot was my verbasing toe hy binne ‘n week laat weet dat hy uit sy rolstoel is en vry is van pyn. Ek besluit toe daar en dan ek gaan kyk wat dieselfde produkte vir my rug kan doen.

Tot my groot vreugde (en verdere verbasing!) het die pyn en ongemak begin afneem, sodat ek binne drie maande my anti-inflammatoriese produkte weggegooi het. Na ongeveer ses maande was die pyn en ongemak iets van die verlede.

Dit is nou sestien jaar later en my rug is gesond. Ek het nooit weer gedink aan verdere sjirurgie nie. Boonop is my rolstoel-vriend steeds vry van artritis. Dan is daar nog ‘n bonus ook by: ek ry steeds dikwels na my gunsteling 4x4 bestemming en speel gereeld sport, onder andere gholf.

Sedert daardie tyd het ek talle ander mense met soortgelyke probleme hiervan vertel. Almal wat dieselfde oplossing probeer het, het ook dramatiese verligting ervaar.

Hierdie ervarings het my opnuut bewus gemaak van die wonder van die skepping. Hierdie liggaam wat ons ontvang het is ongelooflik doeltreffend. Al wat dit nodig het is die regte voeding en oefening, dan verrig dit wondere en herstel dit op merkwaardige wyse.

Ek ken die gevoel van rugpyn en sal dit nie vir my grootste vyand toewens nie. Danksy die feit dat dieselfde kombinasie vir rugpyn en artritis gebruik word, kon die laasgenoemde toestand nooit by my vastrapplek kry nie, maar ek weet dat artritis ook ontsettend aftakelend kan wees. 

God het jou lief en het ‘n wonderlike plan vir jou lewe - Joh.3:16

God se Plan is om vir jou lewe in oorvloed te gee - Joh.10:10

Hormoonvervangingsterapie: Veilige, Doeltreffende Alternatiewe 

Elke vrou word op een of ander tyd in haar lewe deur hierdie kontroversiële onderwerp gekonfronteer.

Alhoewel ek nie voorgee dat ek al die antwoorde het nie, kan ek my waarnemings hieroor so opsom:

·         Waar daar ‘n rokie is, is daar ‘n vuurtjie. Kontroversie spruit gewoonlik uit onsekerheid en onsekerheid vereis omsigtigheid.

·         Die vroulike endokrinesisteem behoort, soos die res van die menslike liggaam, onder normale omstandighede met goeie voeding, normaal te kan funksioneer.

·         Toevlug tot medikasie is dikwels ‘n maklike uitweg wat geneem word voordat alle beproefde meer natuurlike tussentredende maatreëls uitgeput is. 

·         Langtermyn mediese intervensie behoort met uiterste omsigtigheid aangepak te word en waar moontlik behoort dit vermy te word. 

·         Newe-effekte is byna onvermydelik waar HRT vir lang aaneenlopende tydperke toegedien word. Dit kan tot ernstige degeneratiewe toestande lei

My bejaarde suster ondergaan tans een van die mees traumatiese ervarings van haar lewe: sy kan nie loop nie!

Intensiewe ondersoeke en omvatttende toetse dui daarop dat haar toestand spruit uit die lang aanhoudende gebruik van besondere sterk hormoonvervangingsterapie. 

Die terapie is nou ten gunste van homeopatiese middels gestaak, met goeie gevolg.  Verder word sy vir die loop-probleem behandel. Dit is ‘n lang, uitgerekte proses wat baie geduld verg maar die betrokke praktisyn is vol vertroue dat die gebruik van die korrekte detoksifikasiehulpmiddels haar mettertyd weer op die been sal kry.    

Intussen is daar vasgestel dat ‘n wetenskaplik-saamgestelde kombinasie van fito-estrogene (estrogene uit plante), kruie en nutriënte wat in ‘n natuurlike voedselvorm geneem word, vroue help met die bestuur van menopousale probleme soos warm gloede, vaginale droogheid, emosionele versteurings en gebrek aan libido.

Premenopousale vroue benodig ook dikwels dieetkundige ondersteuning vir die hormoonstelsel. PMS en buierigheid kan op ‘n hormonale wanbalans dui en die korrekte kruie-kombinasie sal die liggaam help om die simptome te verlig en om behoorlike dieetkundige ondersteuning te gee waar dit die nodigste is.      

Vra gerus vir inligting oor die jongste tegnologie in produkte wat aan hierdie vereistes voldoen. Dui asb. aan of jou behoeftes premenopousaal of postmenopousaal is. Hierdie deurbraakprodukte wat werklik ‘n verskil maak word deur NAPPI-kodes geïdentifiseer en kan teen groothandelpryse aan u beskikbaar gestel word.  

En Laastens :  Sinvolle Advies vir Elke Dag  

'Moet nooit uit die toekoms leen nie. As jy jou bekommer oor wat moontlik more kan gebeur en dit doen nie, het jy jou vergeefs bekommer. Indien dit wel gebeur, bekommer jy jouself tweemaal daaroor.'

Hierdie wenke sal jou help om rustiger en gesonder te leef:

1. Bid.

2. Gaan betyds bed-toe.

3. Staan betyds op sodat jou dag rustig kan begin.

4. Sê nee vir projekte wat nie in jou skedule kan inpas nie, of wat sal inbreuk maak op jou geestesgesondheid.

5. Delegeer take aan bekwame mense.

6. Vereenvoudig jou lewe; raak ontslae van beslommernisse.

7. Minder is meer. (Alhoewel een dikwels onvoldende kan wees, is twee dikwels te veel.)

8. Laat ekstra tyd toe om dinge gedoen te kry of om by plekke uit te kom.

9. Hou reelmatig tred met jouself. Versprei groot veranderings en moeilike projekte sodat jy nie te veel gelyktydig hoef te vermag nie. Moenie al die moeilike dinge gelyktydig probeer afhandel nie.

10. Neem elke dag soos dit kom.

11. Skei bekommernisse van besorgdhede. Indien jy besorg is oor ‘n situasie, vind by die Here uit wat Hy wil hê dat jy moet doen en laat vaar die angstigheid. Indien jy niks aan ‘n situasie kan doen nie, vergeet eerder daarvan.

12. Leef binne jou begroting; moenie kredietkaarte vir gewone aankope gebruik nie.

13. Skep rugsteune; ‘n ekstra motorsleutel in jou beursie of versteek in ‘n strategiese plek onder die motor, versteek ‘n ekstra sleutel vir die huis in die tuin, eksta posseels, ens.

14. B.S. (Bly Stil). Hierdie klein stukkie raad kan ‘n enorme hoeveelheid moeilikheid voorkom.

15. Doen elke dag iets vir die Kind in Jou.

16. Hou ‘n Bybel byderhand en lees dit wanneer jy in toue of op ander plekke moet wag.

17. Kry genoeg rus.

18. Eet reg.

19. Raak ge-organiseerd sodat elke ding ‘n plek het.

20. Luister na opnames wat kan bydra om jou lewenskwaliteit te verbeter terwyl jy bestuur.

21. Skryf idees en inspirasies neer.

22. Vind elke dag tyd om alleen te wees.

23. Praat daar en dan met die Here as jy probleme het. Probeer om klein probleempies in die kiem te smoor. Moenie uitstel om te bid totdat dit slaaptyd is nie.

24. Maak vriende met mense wat die Here dien.

25. Hou ‘n versameling van jou gunsteling Bybelverse byderhand.

26. Onthou dat die kortste brug tussen wanhoop en hoop dikwels ‘n eenvoudige “Dankie Jesus” is.

27. Lag.

28. Lag nog!

29. Benader jou werk ernstig, maar hoegenaamd nie jouself nie.

30. Ontwikkel  vergewingsgesindheid (die meeste mense doen hulle bes).

31. Wees goedhartig teenoor onvriendelike mense (hulle het dit waarskynlik die meeste nodig).

32. Sit op jou ego.

33 Praat minder; luister meer.

34. Verminder spoed.

35. Herinner jouself dat jy nie die algemene bestuurder van die heelal is nie.

36 Dink elke aand voor slaaptyd aan een ding waarvooor jy dankbaar is waaraan jy nog nooit vantevore gedink het nie.

GOD HET ‘N MANIER OM DINGE VIR JOU OM TE KEER.

'God is vir ons, wie kan dan teen ons wees?'

(Romeine 8:31)


   
Vertel ons hoe jy oor hierdie sake voel en wat jy graag hier sal wil aanspreek!
Kontak my enige tyd via die kontak blokkie op hierdie blad, ek wag gereed om jou te antwoord! 
Groete
Jan en Jua

JANARGIEF.gif
javerslank.gif

En SO lyk ons Gesondheidsgesin! 

Jan, Jua en Kinders! 

N.S. Ons lieflike oudste ontbreek egter op hierdie Foto!! 

JanenJuaengesin.JPG

Enter supporting content here